Турски државјанин приведен на Деве Баир со фалсификувани зелени карти за камион

Турски државјанин е лишен од слобода на Граничниот премин Деве Баир откако при контрола било утврдено дека приложил фалсификувани документи за товарното возило што го управувал.

— реклама —

Како што соопшти Министерството за внатрешни работи, на 3 јуни околу 17 часот полициски службеници го привеле У.О. (46) од Република Турција.

— реклама —

При пасошка контрола и извршените гранични проверки било констатирано дека доставил фалсификувани зелени карти за товарното возило со приколка кое го управувал.

— реклама —

По приведувањето, лицето било задржано во Полициската станица Крива Паланка.

Од МВР информираат дека по целосното документирање на случајот против него ќе биде поднесена соодветна кривична пријава.