Туск му се потсмева на Орбан по низата скандали во Унгарија: „Импресиониран сум од твојата креативност“

Полскиот премиер Доналд Туск иронично ги коментираше последните скандали во Унгарија, меѓу кои приведувањето на братот на премиерот Виктор Орбан под сомнение за трговија со луѓе и пронаоѓањето милиони долари во готовина во истрага поврзана со поранешен министер.

— реклама —

Туск својата реакција ја објави на социјалната мрежа Икс, упатувајќи му саркастична порака на унгарскиот премиер.

„Пред неколку дена братот на Орбан беше приведен во случај поврзан со трговија со луѓе, а вчера во шума беа пронајдени 20 милиони долари што ги закопал еден од министрите на Орбан. Драг Викторе, отсекогаш ѝ се восхитував на твојата креативност, но сега морам да кажам дека сум поимпресиониран од кога било“, напиша Туск.

— реклама —

— реклама —

Унгарската Национална канцеларија за заштита и враќање на имотот соопшти дека во заедничка акција со полицијата биле уапсени четири лица – тројца мажи и една жена. Меѓу приведените, според достапните информации, се братот на Виктор Орбан и неговиот партнер. Истражителите извршиле претреси во Будимпешта и во областа Пешта.

Иако надлежната институција не ги објавила имињата на приведените, Петер Маѓар за време на говорот во Берлин едно од апсењата го поврзал со Арон Орбан.

— реклама —

Унгарскиот премиер ги отфрлил обвинувањата, оценувајќи дека станува збор за политичка пресметка и обид вниманието на јавноста да се пренасочи од друг скандал поврзан со работата на унгарската влада.