Тврдења без докази: Орбан поврзан со подземјето во 90-тите?

Само два дена пред парламентарните избори во Унгарија, кампањата влегува во нова ескалација со сериозни обвинувања за наводни врски на премиерот Виктор Орбан со криминалното подземје во 1990-тите, но без приложени докази.

— реклама —

Обвинувањата ги изнесе бодибилдерот Ласло Ковач, кој за „Инсајдер“ тврди дека во тоа време работел како курир за унгарски криминалец, поврзан со рускиот подземен бос Семјон Могилевич. Според неговите наводи, пренесувал пакети со пари до тогашниот, а и сегашен министер за внатрешни работи Шандор Пинтер.

— реклама —

Ковач тврди дека во 1997 година сумите се зголемиле и дека дел од тие пари биле наменети за финансирање на првата успешна изборна кампања на Орбан. Во своите изјави опишува средби, предавање пари и тврди дека Пинтер наводно влијаел врз истраги.

Сепак, овие тврдења не се независно потврдени и за нив не се приложени докази. Лицата кои се споменуваат во наводите досега немаат јавно реагирано.

— реклама —

Ковач дополнително наведува дека по доаѓањето на власт, Орбан и Пинтер наводно ги отстраниле поранешните соработници, додека Могилевич се повлекол во Русија. И самиот Ковач бил осуден на затвор, но тврди дека станува збор за наместен случај.

— реклама —

Случајот доаѓа во чувствителен политички момент, кога Орбан се соочува со неизвесен изборен резултат, а ваквите обвинувања дополнително ја заоструваат атмосферата во јавноста.