Полициските службеници во скопско лишија од слобода млад маж кој бил затекнат во незаконски транспорт на огревни дрва.
На 27.04.2026 година, во село Бродец, скопско, полициски службеници од Полициското одделение Мирковци го лишија од слобода Ф.Ј. (26) од скопско, откако бил затекнат како со патничко возило „опел астра“ со тетовски регистарски ознаки превезувал огревни дрва без жиг и соодветна документација.
При дополнителната проверка било утврдено дека возилото има истечена важност на сообраќајната дозвола, а возачот воедно немал ниту возачка дозвола.
За случајот е известен надлежен јавен обвинител, а по негово целосно документирање против Ф.Ј. ќе бидат поднесени соодветни поднесоци.
