Уапсен маж од Неготино осомничен дека ги нападнал поранешната сопруга и ќерката

Педесет и едногодишен жител на Неготино е лишен од слобода поради сомнение дека физички ги нападнал својата поранешна сопруга и нивната 19-годишна ќерка.

— реклама —

Како што соопшти Министерството за внатрешни работи, на 27 јули во 16:40 часот полициски службеници од ОВР Неготино го привеле Д.Ѓ. (51), постапувајќи по претходна пријава од неговата 47-годишна поранешна сопруга.

— реклама —

— реклама —

Според пријавеното, тој најпрво физички ја нападнал на улицата „Маршал Тито“ во Неготино, а потоа пред неговиот дом физички ја нападнал и нивната 19-годишна ќерка, упатувајќи ѝ и закани.

— реклама —

Осомничениот бил задржан во полициска станица, за случајот е известен јавен обвинител, а по неговото целосно документирање против него ќе биде поднесена соодветна пријава.