Ученик уби професорка пред училиште во Русија

Седумнаесетгодишен ученик со нож нападнал професорка пред училиште во градот Добријанка, во Пермска област во Русија. Жената подоцна починала од здобиените повреди.

— реклама —

Нападот се случил утринава на влезот во Училиште број 5, соопштил гувернерот Дмитриј Махонин. Според него, тинејџерот ја избол професорката, која во критична состојба била пренесена во болница.

— реклама —

На местото на настанот била испратена и екипа на итната медицинска помош од Перм. Напаѓачот е уапсен од полицијата, а во тек е криминалистичка истрага.

— реклама —

Подоцна гувернерот соопштил дека професорката не ги преживеала повредите.

— реклама —

„За жал, и покрај сите напори на лекарите, Олесја Багута, професорка по руски јазик и книжевност во Училиште број 5 во Добријанка, не беше можно да се спаси“, напишал Махонин, изразувајќи сочувство до нејзиното семејство, пријателите и колегите.