Украина ја погоди нафтената станица во Русија, прекината испораката кон Унгарија

Украинската армија потврди дека извршила напад врз станица за пумпање нафта во Тамбовската област во Русија, со што привремено е прекината работата на нафтоводот „Дружба“.

— реклама —

Веста доаѓа откако Министерството за надворешни работи на Унгарија претходно ја обвини Украина за саботажа, наведувајќи дека поради ударот е запрен дотокот на руска нафта кон земјата.

— реклама —

„Овој најнов удар врз нашата енергетска безбедност е срамен и неприфатлив“, изјави шефот на унгарската дипломатија на социјалната мрежа X.

— реклама —

На обвинувањата реагираше украинскиот министер за надворешни работи, кој истакна дека „Русија, а не Украина, е таа што го започна војната и одбива да ја заврши“. Тој додаде дека Унгарија „веќе со години била предупредувана“ дека Москва не е сигурен партнер во енергетската сфера.

— реклама —

Нападот дополнително ги усложнува односите меѓу Киев и Будимпешта, која иако е членка на Европската унија, често зазема ставови поблиски до Москва отколку до своите западни сојузници.