Упад на избирачко место во Србија: Триесетина лица нападнале присутни, тврди адвокатка од Ниш

Околу 30 лица упаднале на избирачкото место број 27 во Дољевац, Србија, каде што физички ги нападнале присутните и го попречиле гласањето, тврди адвокатката и политичка активистка од Ниш, Драгана Милутиновиќ, во изјава за телевизијата Н1.

— реклама —

Според нејзините тврдења, полицијата била присутна пред избирачкото место, но не реагирала на инцидентот.

— реклама —

Милутиновиќ наведува дека групи граѓани упаднале и на уште две избирачки места, каде што физички нападнале членови на избирачките одбори.

Телевизијата Н1 побарала информации од Министерството за внатрешни работи на Србија за пријавените инциденти, но до објавувањето на информацијата сè уште немало одговор.

— реклама —

Засега нема официјална потврда за бројот на учесници во инцидентите, евентуално повредени лица или преземени полициски мерки.

Информациите за нападите се појавуваат во текот на денешните предвремени парламентарни избори во Србија, на кои граѓаните гласаат за нов состав на Народното собрание.