Уплатил 700 швајцарски франци за да му донесе возило од Швајцарија, останал и без кола и без пари

Четириесет и двегодишен жител на тетовско пријавил во полиција дека бил измамен при договор за увоз на автомобил од Швајцарија, при што останал без 700 швајцарски франци.

— реклама —

Според информациите од Министерството за внатрешни работи, случајот бил пријавен на 22 јули во 15:15 часот во СВР Тетово.

— реклама —

Како што навел оштетениот, преку социјална мрежа стапил во контакт со лице од Скопје, сопственик на фирма за транспорт, со кое се договориле да му биде донесено возило „Фолксваген Поло“ од Швајцарија.

— реклама —

По договорот, тој ги уплатил договорените 700 швајцарски франци, но автомобилот не му бил испорачан, ниту, пак, му биле вратени парите.

— реклама —

Од МВР информираат дека се преземаат мерки за целосно расчистување на случајот.