Урната луксузната вила на Путин во Сочи: „Рускиот претседател се плаши од напад“

Рускиот претседател Владимир Путин целосно срамни со земја една од неговите палати, наводно поради страв да престојува таму, бидејќи резиденцијата е во домет на украински беспилотни летала. Според новата истрага на независниот медиум Проект, пишува Дејли мејл, Путин „искрено се плаши“ дека би можел да стане цел на напад со беспилотно летало контролиран од Киев.

Во последниве години, Путин често престојуваше во Бочаров Ручеј (Бочаров Поток), резиденција со поглед на Црното Море во Сочи. Меѓутоа, палатата ненадејно била урната со булдожер, а новите сателитски снимки до кои дошол Проект покажуваат дека сега на тоа место има голема јама.

— реклама —

Во извештајот се тврди дека Путин ги избегнува Сочи и регионот Краснодар уште од минатата година, кога украинските беспилотни летала ги интензивираа нападите на руска територија. Украинските воздушни напади погодија различни цели во областа Сочи и Геленџик, што го натера Путин да престане да ги посетува овие региони и покрај софистицираните системи за противвоздушна одбрана кои ги штитат неговите резиденции.

— реклама —

Палатата Бочаров Ручеј беше урната во текот на февруари и март годинава. Иако резиденцијата беше целосно уништена, во извештајот на проектот се истакнува дека остануваат многу неодговорени прашања.

— реклама —

„Прво, зошто беше потребно да се урне луксузна резиденција која е реновирана пред 10 години? Одговорот е веројатно очигледен... Поради нападите со беспилотни летала, претседателот се плаши да биде на брегот на Црното Море на територијата Краснодар“, се наведува во извештајот.

— реклама —

„Познаникот на Путин му потврди на Проект дека претседателот навистина се плаши да лета на југ“, се вели во понатамошниот извештај.

Се шпекулира и дека Путин ја срушил палатата со намера на истото место да изгради нова, уште полуксузна, која би можела да содржи побезбедни бункери. Според Проектот, руската јавност не била информирана за уривањето бидејќи резиденциите на Путин се наоѓаат во заштитени подрачја.