Претседателката на Европската комисија, Урсула фон дер Лајен, денеска ја започнува тридневната турнеја низ Западен Балкан, во рамки на која ќе ги посети Албанија, Косово, Црна Гора и Македонија.
Првата станица на нејзината посета ќе биде Тирана, каде што ќе се сретне со претседателот на Албанија, Бајрам Бегај, и со премиерот Еди Рама. Во четврток, 1 октомври, фон дер Лајен ќе престојува во Приштина, каде што ќе разговара со премиерот Албин Курти.
Истиот ден таа ќе отпатува во Црна Гора, каде што се предвидени средби со претседателот Јаков Милатовиќ и со премиерот Милојко Спајиќ.
Последната станица од балканската турнеја ќе биде Скопје. Фон дер Лајен на 2 октомври ќе се сретне со претседателката Гордана Сиљановска-Давкова и со премиерот Христијан Мицкоски.
Според претходно објавените информации од Европската комисија, Белград и Сараево нема да бидат дел од оваа посета поради претстојните парламентарни избори. Од Комисијата најавиле дека фон дер Лајен овие земји ќе ги посети во друг термин.
