Утре ќе се спроведе трет авионски третман против комарци во Кавадарци

Општина Кавадарци утре, 1 септември, ќе го спроведе третото авионско третирање против комарци за оваа година, со цел намалување на нивната бројност на територијата на општината.

— реклама —

Третирањето е предвидено да се одвива во периодот од 05:30 до 07:00 часот, а ќе го изврши операторот ДВУ „Римин Ер“ ДООЕЛ Штип.

— реклама —

Со третманот ќе биде опфатено подрачјето долж течението на реката Луда Мара, почнувајќи од селото Марена, преку целото градско подрачје на Кавадарци и селото Ваташа, па сè до браната Моклиште.

— реклама —

Од Општина Кавадарци упатуваат посебен апел до пчеларите да ги затворат кошниците за време на третирањето, како и во период од три до четири часа по завршувањето, со цел да се заштитат пчелните семејства од можното влијание на средството.

Во случај на неповолни временски услови, односно дожд или силен ветер, авионското третирање ќе биде одложено за друг соодветен ден. За евентуалната промена на терминот граѓаните дополнително ќе бидат информирани.