„Валбон Лимани бега од одговорност за скандалот со водата, СДС, ДУИ и Таравари го штитат со молк“, велат од ВМРО-ДПМНЕ

ВМРО-ДПМНЕ преку соопштение обвини дека градоначалникот на Гостивар, Валбон Лимани, избегнува да преземе одговорност за, како што наведуваат, случајот со водата во општината и оцени дека неговиот став покажува отсуство на чувство за политичка и морална одговорност.

— реклама —

Од партијата тврдат дека, наместо да се обрати пред јавноста и да ја преземе одговорноста како прв човек на општината, Лимани се дистанцирал од случајот и порачал дека не чувствува никаква морална одговорност.

— реклама —

„Кога целиот град е погоден од ваков сериозен проблем, граѓаните не очекуваат оправдувања, туку отчетност. Ако градоначалникот не е одговорен за работата на луѓето што самиот ги поставил да раководат со јавните претпријатија, тогаш кој е?“, прашуваат од ВМРО-ДПМНЕ.

Во соопштението партијата ја критикува и, како што наведува, тишината на СДС, ДУИ и Арбен Таравари, оценувајќи дека тие не побарале одговорност од својот кандидат.

— реклама —

Од ВМРО-ДПМНЕ ги повикаа надлежните институции целосно да го расчистат случајот, без селективен пристап и политички влијанија.

— реклама —

Според партијата, граѓаните на Гостивар заслужуваат отчетност и градоначалник кој ќе стои зад своите одлуки, а политичката и моралната одговорност на Валбон Лимани, како што наведуваат, е неизбежна.