Вечерва во 20 часот, на платото пред арената „Борис Трајковски“, ќе се одржи собир во чест на македонската музичка легенда Владо Јаневски.
Настанот е во организација на „Прагма продукција“, од каде ги повикаа сите што го сакаа, почитуваа и растеа со музиката на Владо Јаневски да присуствуваат и заедно достоинствено да му оддадат последна почит.
Од продукцијата порачаа дека собирот ќе биде можност неговите песни уште еднаш да одекнат, а со песна, тишина и љубов граѓаните да се простат од големиот уметник, чии дела засекогаш ќе останат дел од македонската музичка историја.
