Загрепската издавачка куќа „Менарт“ со емотивна порака се прости од македонската поп-ѕвезда Владо Јаневски, кој почина на 28 јуни во Скопје, на 65-годишна возраст, по кратко боледување.
Од „Менарт“ потсетија дека Јаневски беше еден од најпрепознатливите гласови на македонската поп-музика, а во 2025 година под нивната етикета го објави албумот „Најубавите љубовни песни“ на хрватски јазик.
Во објавата се наведува дека Владо Јаневски повеќе од три децении остави силен белег на музичката сцена со својот препознатлив баритон, авторските песни и текстови што допреа до многу генерации слушатели.
„Благодарни сме за пријателството, довербата, соработката, како и за музиката што ни ја даде“, порачаа од „Менарт“, истакнувајќи дека со гордост ги следеле неговите последни музички проекти.
