Голем број граѓани вчера се собраа на платото пред арената „Борис Трајковски“ за да ѝ оддадат почит на македонската музичка легенда Владо Јаневски. Настанот, кој беше организиран од „Прагма продукција“, обедини бројни почитувачи на неговото творештво, кои со запалени свеќи, цвеќе и неговите безвременски песни достоинствено се простија од уметникот што остави неизбришлива трага на македонската музичка сцена.
Меѓу насобраните беа и негови колеги и пријатели, меѓу кои Слаткаристика, Огнен Здравковски, Пајак, Антониа Гиговска и многу други кои заедно со бројните обожаватели му оддадоа почит на Владо Јаневски.
