Венецуела ја обвини САД за воена агресија: Мадуро прогласи состојба на надворешна закана

Откако во Каракас се слушнале авиони и експлозии, а над делови од градот бил забележан густ столб чад, венецуелската влада соопшти дека „остро ја отфрла и осудува“ наводната американска „воена агресија“.

— реклама —

Во официјалната изјава, властите во Каракас ги обвинија САД дека имаат за цел да ги преземат „стратешките ресурси на Венецуела, пред сè нафтата и минералите“, со намера насилно да ја нарушат политичката независност на земјата. Според соопштението, ваквите дејствија претставуваат сериозна закана за меѓународниот мир и стабилност, особено во Латинска Америка и Карибите, и директно ги загрозуваат животите на милиони луѓе.

— реклама —

Претседателот Николас Мадуро прогласи „состојба на надворешен упад на целата национална територија“, со образложение дека мерката е неопходна за заштита на правата на населението и непречено функционирање на државните институции.

— реклама —

„Целата земја мора да се мобилизира за да ја порази оваа империјалистичка агресија“, се наведува во пораката од венецуелското раководство.

— реклама —

Засега, нема независна меѓународна потврда за тврдењата за директен воен напад, додека ситуацијата во Каракас останува напната и неизвесна.