Венера Азизи: Владата го изгласа пуштањето во употреба на „One Stop Shop“ со Република Албанија

Денешната владина седница донесе одлука за пуштање во употреба на системот за заеднички гранични проверки „One Stop Shop“ со Република Албанија, соопшти заменик-министерката за внатрешни работи Венера Азизи.

— реклама —

Со ова, како што посочи таа, се заокружува процесот на воспоставување на ваков систем со трите соседни земји што не се дел од Шенген зоната, имајќи предвид дека истиот веќе функционира со Србија и Косово. За негово целосно стапување во сила останува да биде потпишан договор меѓу двете министерства за внатрешни работи.

— реклама —

Според најавите, системот најпрво ќе почне да се применува на граничниот премин Ќафасан, а потоа ќе биде проширен и на останатите гранични премини со Албанија. Целта е да се овозможи побрзо, поедноставно и побезбедно преминување на границата, особено во летниот период кога значително се зголемува бројот на патници и се создаваат подолги колони.

— реклама —

Потребата од вакво решение ја потврдуваат и податоците за фреквенцијата на патници. Во текот на 2025 година, на граничните премини со Албанија биле регистрирани вкупно 4.581.724 патници, од кои 2.318.080 поминале преку граничниот премин Ќафасан.

— реклама —

Од Владата очекуваат воведувањето на „One Stop Shop“ да придонесе за поефикасен проток на патници и значително намалување на времето на чекање на граничните премини.