(Видео) Адвокатот на Ива Михајлова обвинет дека вработил боксер за да следи татко на загинато девојче

Бугарскиот адвокат Николај Димитров, кој ја застапува Ива Михајлова и тврди дека ја пренел од Македонија во Бугарија, пред неколку месеци се најде во центарот на жестока телевизиска расправија со Николај Попов, таткото на 12-годишната Сијана, која загина во сообраќајна несреќа.

Во јули годинава, во емисијата „Офанзива“ на бугарската телевизија „Нова“, Попов изнесе сериозни обвинувања, тврдејќи дека лица поврзани со таканаречената „патна мафија“ го следеле и му се заканувале. Во тој контекст ја спомена и адвокатската канцеларија на Димитров.

— реклама —

Попов тврдеше дека во канцеларијата на адвокатот бил вработен боксер за кој се сомневал дека учествувал во следењето. Тој изјави дека заканите ги добивал уште од декември, а дека му биле нудени и поволности за да молчи.

„Последната порака што ја добив беше дека ќе бидам ликвидиран. Повелете, ликвидирајте ме“, изјави Попов, додавајќи дека поднел официјална пријава за случајот.

Обвинувањата предизвикаа жестока расправија во студиото, откако Димитров се вклучи во емисијата и побара право на одговор. Адвокатот ги отфрли тврдењата дека негов соработник го следел Попов и возврати дека неговата канцеларија била цел на закани.

— реклама —

„Тој го обвинува мојот технички помошник дека го следел за хонорар од 2.000 евра дневно. Тој едноставно измислува работи“, изјави Димитров.

Во текот на расправијата, адвокатот го нарече Попов „сатана“ и го обвини дека профитира од смртта на својата ќерка. Тој, исто така, тврдеше дека автомобилот во несреќата бил стар 30 години.

— реклама —

Попов остро возврати, негирајќи го тоа тврдење и обвинувајќи ја таканаречената мафија за смртта на неговата ќерка. Поради ескалацијата на расправијата, водителот Љубомир Огњанов побара од Димитров да го напушти студиото, оценувајќи дека го преминал прагот на пристојност со начинот на кој се изразувал.

Димитров со случаи поврзани со сообраќајни несреќи во Бугарија се занимава од 2012 година, според доставениот текст.

Случајот повторно привлекува внимание поради неговата улога како адвокат на Ива Михајлова, против која во Македонија се води судска постапка за сообраќајна несреќа со смртни последици. Нејзиното заминување во Бугарија отвори прашања за околностите под кои ја напуштила земјата.

— реклама —

Целото видео е на следниот линк.