Скопје попладнево беше зафатено од силно невреме проследено со пороен дожд и силен ветер, кое предизвика штети на повеќе локации низ градот.
Меѓу погодените објекти е и Меѓународниот аеродром во Скопје, каде поради обилните врнежи прокиснал дел од покривната конструкција. На социјалните мрежи се споделуваат снимки на кои се гледа како вода продира во внатрешноста на аеродромската зграда.
Невремето предизвика проблеми и во повеќе делови од главниот град, каде силниот ветер кршеше гранки и соборуваше дрвја, а на неколку локации беа оштетени кровови на објекти.
Засега нема информации за повредени лица, а надлежните служби работат на санирање на последиците од невремето.
