(Видео) Американски сенатор близок до Трамп се збуни: „Во војна сме“ – па „не сме во војна“

Американскиот републикански сенатор Марквејн Мулин, близок до движењето МАГА на претседателот Доналд Трамп, се најде во непријатна ситуација откако за неколку секунди даде спротивставени изјави за конфликтот со Иран.

— реклама —

Тој најпрво ги бранеше американско-израелските воени операции, изјавувајќи: „Ова е војна и ја отстрануваме заканата“. Кога новинарите го прашаа дали со тоа признава дека САД се во војна, Мулин одговори дека Соединетите Држави формално не објавиле војна.

„Ние не објавивме војна. Тие ни објавија нам“, рече сенаторот, а потоа призна дека можеби „погрешно се изразил“.

— реклама —

Снимката од разговорот брзо се прошири на социјалните мрежи, каде што историчарот Тимоти Снајдер ја спореди ваквата реторика со руската пропаганда по почетокот на инвазијата врз Украина во 2022 година.

— реклама —

Конфликтот меѓу САД, Израел и Иран ескалираше минатата сабота кога беше започната голема заедничка воена операција против ирански воени цели, при што во нападите загина и иранскиот врховен лидер Али Хамнеи. Иран возврати со ракетни и дронски напади врз Израел и американски бази во регионот.

View this post on Instagram