Директорот на Центарот за управување со кризи, Стојанче Ангелов, информираше дека вчера дошло до пожар откако искри од брусилица запалиле сува трева, но благодарение на брзата интервенција на пожарникарите од Виница, огнот бил ставен под контрола уште во почетната фаза.
„Лице со брусилица сечело делови од возило. Искрите ја запалиле сувата трева, а пожарот брзо се проширил на околината. За среќа, виничките пожарникари реагирале навреме и го совладале пожарот во првата фаза“, изјави Ангелов.
Тој им упати благодарност на пожарникарите, но и апел до сите што работат со алати што создаваат искри да бидат особено внимателни.
„Мајстори, бидете внимателни. Доволна е една искра за вистинска катастрофа. Овојпат таа беше спречена благодарение на пожарникарите, но доколку огнот се проширеше, ќе беа загрозени куќи, викендички, лозја и овоштарници“, порача Ангелов.
