(Видео) Апокалипса во Њујорк: подземната поплавена, патници заробени во вагони, надреални снимки го преплавија интернетот

Над 50 милиони жители на североистокот на САД денес се под итни предупредувања за изненадни поплави, откако разорни дождови и невреме предизвикаа целосен хаос во метрополите. Најтешко погодени се Њујорк, Вашингтон, Балтимор, Њуарк и Арлингтон, каде ситуацијата е критична поради опасноста од надојдени води.

На улиците на Њујорк, водата навлезе во подземната железница. Патници останаа заглавени во вагони додека надоаѓа водена стихија. Полицијата објави дека Cross Bronx Expressway е затворен во двата правци – автопатот е претворен во река.

— реклама —

— реклама —

Гувернерот на Њу Џерси, Фил Марфи, прогласи вонредна состојба заради обилните врнежи и опасните поплави. „Останете дома и не патувајте без потреба“, апелираше тој.

— реклама —

Авиосообраќајот е во колапс – речиси 2.000 летови се откажани, над 10.000 доцнат. Аеродромот Newark Liberty привремено е затворен. Компанијата United Airlines соопшти дека има „ограничена оперативност поради преоптовареност“.

Најлошото можеби допрва следи – метеоролозите предупредуваат дека бавноподвижните олујни системи би можеле да предизвикаат нови бујични поплави во Пенсилванија и пошироко. Службите за итни случаи се во состојба на висока готовност, а граѓаните се повикуваат на крајна претпазливост и следење на официјалните информации.