(Видео) Автопатот Прилеп–Битола со засилена динамика на градба, ќе го скрати патувањето Скопје–Атина за 3-3,5 часа

Министерот за транспорт, Александар Николоски изјави дека автопатот Прилеп–Битола станува еден од клучните инфраструктурни проекти за развојот на Пелагонија, при што на терен се одвива засилена и интензивна градежна активност на делницата која е дел од Коридорот 10Д.

Според Николоски, со реализацијата на овој автопат значително ќе се подобри регионалната поврзаност и ќе се отворат нови можности за економски раст, зголемување на туристичкиот потенцијал и развој на бизнис-секторот во југозападниот дел на државата.

— реклама —

„Со овој автопат патувањето од Скопје до Атина се намалува за 3-3,5 часа. Тоа значи многу повеќе бизнис и туристи за цел регион!

Ова е најдолгата поединечна делница автопат што се гради во Македонија. Нашата цел е веќе следната година сообраќајот да се одвива по една коловозна лента.

— реклама —

Овој автопат ќе значи побезбеден и побрз сообраќај, подобра поврзаност, поголема конкурентност на стопанството и силен поттик за економскиот развој на Пелагонија.

— реклама —

Пелагонија е еден од најважните региони во Македонија и затоа инвестираме во модерна инфраструктура што ќе обезбеди подобар живот за граѓаните и нови перспективи за идните генерации.

Ја градиме Македонија“, вели Николоски.