(Видео) Четворица повредени во напад со нож на железничка станица во Швајцарија

Најмалку четири лица се повредени во напад со нож што утрово се случи на железничката станица во Винтертур, во северна Швајцарија, јави „Еуроњуз“, повикувајќи се на локалната полиција.

— реклама —

Според првичните информации, нападот се случил кратко по 8:30 часот, а осомничениот напаѓач, 31-годишен швајцарски државјанин, е приведен од полицијата.

— реклама —

Повредените лица, на возраст од 28, 43 и 52 години, биле пренесени во болница, каде што им е укажана лекарска помош. Засега не се соопштени детали за тежината на нивните повреди.

— реклама —

Швајцарскиот весник „Блик“ објави видеоснимка на која, според нивните информации, се гледа маж како истрчува од железничката станица и извикува „Алаху акбар“.

Од полицијата соопштија дека е во тек истрага за утврдување на мотивите за нападот и дека се разгледуваат сите околности поврзани со случајот.