(Видео) Четворица пилоти загинаа во судир на два воени авиони на Филипините

Четворица пилоти загинале откако два авиони на филипинското воено воздухопловство се судриле за време на тренажен лет и се урнале во воздухопловна база јужно од Манила.

— реклама —

Несреќата се случила вчера попладне, кога двата авиони „СФ-260“ летале на мала височина, по што се урнале во воздухопловната база „Фернандо“ во градот Липа, во покраината Батангас. Во несреќата немало повредени лица на земјата.

— реклама —

Филипинското воено воздухопловство привремено ги приземјило сите преостанати авиони од овој тип, набавени од Италија, додека трае истрагата за причините за несреќата.

— реклама —

Ова е трет фатален пад на авион „СФ-260“ во земјата во последните години. Во мај годинава, двајца пилоти загинале при пад на ваков авион за време на тренажен лет во планинската покраина Бенгет, а во 2023 година уште двајца членови на екипажот го загубиле животот во слична несреќа.

Несреќата е нов удар за филипинската војска, која со години се соочува со недостиг од финансиски средства за модернизација на воздухопловството, морнарицата и копнените сили.