(Видео) Човек во костим на Бетмен се искачи на Сиднејската опера

Необична глетка ги изненади граѓаните и туристите во Сиднеј, откако на врвот на познатата Сиднејска опера беше забележан човек облечен како Бетмен. Снимките од необичната сцена брзо се проширија на социјалните мрежи.

— реклама —

Отпрвин се појавија претпоставки дека станува збор за снимање на нов холивудски филм. Сепак, набргу беше откриено дека станува збор за каскадерски потфат организиран по повод Денот на Бетмен.

— реклама —

За изведбата биле ангажирани професионални качувачи, кои користеле специјални безбедносни системи за да го изведат потфатот на покривот на операта.

— реклама —

Главниот настан по повод Денот на Бетмен е најавен за денеска во 18 часот. Денот на Бетмен се одбележува секоја година во третата сабота од септември, со различни настани ширум светот.

Овогодишната акција во Сиднеј привлече особено внимание поради необичната глетка – човек во костим на Бетмен на една од најпознатите знаменитости во Австралија.