(Видео) Десет загинати и 16 повредени во бунт во затвор во Мексико

Најмалку десет лица загинаа, а 16 затвореници беа повредени во бунт што вчера избувна во затвор во мексиканскиот град Мазатлан. Насилството ескалирало за време на редовните посети, соопшти Секретаријатот за јавна безбедност на сојузната држава Синалоа.

— реклама —

Според официјалните податоци, меѓу загинатите има девет затвореници и еден цивил кој бил во посета на затвореник. Сите 16 повредени се затвореници и биле пренесени во болница на лекување.

— реклама —

Локалните медиуми објавија дека затворениците за време на судирот користеле огнено оружје. Засега властите не соопштиле дополнителни детали за причините и околностите под кои избувнало насилството.

Од Сојузната служба за безбедност информирале дека интервенирала Националната гарда, која воспоставила контрола во затворскиот комплекс. Во установата престојуваат околу 1.800 затвореници.

— реклама —

Насилството е чест проблем во затворите во Мексико. Многу од нив се пренатрупани, а врз дел од затворските установи силно влијание имаат организираните криминални групи, пред сè наркокартелите.