Снимка од земјотресот во Колумбија го покажува драматичниот момент кога градежни работници во Богота се држеле за челичните носачи на објект во изградба, додека зградата силно се нишала за време на земјотресот со јачина од 7,4 степени.
На видеото се слуша како еден од работниците ги повикува колегите да останат мирни, додека самиот во паника се моли и бара помош. Бидејќи не можеле веднаш да го напуштат објектот, работниците чекале потресите да стивнат, држејќи се за конструкцијата.
Откако нишањето започнало да се намалува, работникот ги повикал колегите внимателно да се симнуваат еден по еден.
Земјотресот ја погоди Колумбија во понеделникот во 7:34 часот по локално време, со епицентар во близина на Сан Хозе дел Палмар, во областа Чоко. Иако Богота се наоѓа стотици километри од епицентарот, потресот бил доволно силен за да предизвика евакуации и паника меѓу жителите.
