(Видео) Две жени загинаа во поплави и одрон во Шпанија, повредени и две деца

Најмалку две лица загинаа, а две деца се повредени во поплавите што го погодија регионот Леон во северозападна Шпанија, откако во саботата се активирал одрон.

— реклама —

Според шпанската полиција, трагедијата се случила во селото Мансанедо де Валдуеси, каде што поројните води предизвикале лизгање на земјиштето. Водата и калта се слевале од планината и погодиле вински подрум во кој во тој момент се наоѓале шест лица.

— реклама —

Во несреќата загинале две жени, на возраст од околу 60 и 80 години, додека две малолетни лица се повредени и се на лекување.

Првично било пријавено дека едно 80-годишно лице се води како исчезнато, но спасувачите успеале да го пронајдат неповредено.

— реклама —

Во спасувачката акција бил вклучен и хеликоптер, заедно со екипи на итната медицинска помош. Засега нема информации за други исчезнати лица.