(Видео) Ескалација на протестите во Тирана: Запалени компјутери и мебел, маж се обидел да ограби банкомат

Студентските протести во Тирана биле проследени со тензии, судири и оштетување на имот, а за време на инцидентите еден маж се обидел да земе пари од банкомат во објект на финансиската институција „Iute Credit“, кој бил оштетен за време на немирите.

— реклама —

На инцидентот реагираше и пратеникот на Социјалистичката партија, Таулант Бала, кој преку објава на социјалните мрежи се запраша дали лицето е студент.

„Погледнете го, погледнете го крадецот на банкоматот! Дали овој е студент?“, напиша Бала.

— реклама —

За време на протестот, група лица го оштетиле објектот на „Iute Credit“, изнесувајќи мебел и компјутери, кои потоа биле запалени на улицата. Бил оштетен и банкоматот, од кој мажот се обидел да земе пари.

— реклама —

Тензиите продолжиле на улицата „Драч“, каде што демонстрантите со часови го блокирале сообраќајот. Полицијата интервенирала со солзавец за да ги растера насобраните.

Според објавените информации, полицијата привела 30 лица, додека 13 лица побарале лекарска помош по инцидентите.

View this post on Instagram