(Видео) Ескалираа протестите во Тирана: Запален објект на Банката на Албанија, автомобил изгоре до темел

Булеварот „Дешморет е Комбит“ во Тирана остана покриен со камења, искршени плочки, црвена боја и остатоци од молотови коктели по жестоките судири меѓу демонстрантите и полицијата пред зградата на албанската Влада.

View this post on Instagram

Полицијата употребила големи количества солзавец и успеала да ги растера демонстрантите, по што на терен пристигнале и припадници на специјалната полициска единица РЕНЕА.

— реклама —

За време на протестот бил запален влезот на поранешниот хотел „Дајти“, во кој денес се сместени канцеларии на Банката на Албанија. Демонстрантите фрлале молотови коктели и камења кон објектот, кршеле прозорци и се обидувале насилно да ја отворат влезната врата.

— реклама —

На булеварот останале повеќе жаришта на пожар, а коловозот бил прекриен со откорнати плочки и други предмети користени за време на судирите.

Во насилствата целосно изгорел и автомобил со француски регистарски таблички, кој бил запален со молотов коктел. Пожарот на возилото подоцна бил изгаснат, но автомобилот останал целосно уништен.

— реклама —

Снимките од местото на настанот покажуваат значителни оштетувања во околината на владината зграда, додека полициските сили продолжиле со обезбедување на просторот по растерувањето на демонстрантите.

Засега нема дополнителни информации за евентуални повредени при пожарите и за вкупната материјална штета.