(Видео) Филмски вооружен напад на автопат во Италија: Разбојници кренаа во воздух возила за транспорт на пари

На автопат во Италија, кој ги поврзува Лече и Бриндизи, утрово се случи драматичен вооружен напад врз возило за транспорт на пари. Инцидентот се случи во близина на градот Тутурано.

— реклама —

Со брзата акција на полицијата од Лече, уапсени се две лица осомничени дека се членови на банда. Тие беа лоцирани во областа на северен Саленто, каде што силите на редот веднаш го насочија пребарувањето.

Истрагата е во полн ек бидејќи се бараат други членови на групата.

— реклама —

Според последните информации, напаѓачите дигнаа во воздух дури две, а не само едно возило за транспорт на пари, како што првично се веруваше, пренесува Rai News.

— реклама —

Нападнатото возило е на компанијата BTV Battistolli, а разбојниците, за да го спречат, попречиле друго возило на патот и го запалиле. Пожарникарите и полицијата веднаш пристигнале на местото на настанот.

По нападот, државниот пат Бриндизи – Лече бил привремено затворен за сообраќај во двата правци.

View this post on Instagram