(Видео) Физичка пресметка пред пицерија поврзана со изборите во Србија, повредена жена

Физичка пресметка се случила денеска во Душанова улица, во белградската населба Дорќол, Србија, по што интервенирале полицијата и Итната медицинска помош. Според првичните информации, во инцидентот била повредена една жена.

Според сведоци, расправијата започнала вербално, а набргу прераснала во физички судир. До инцидентот дошло откако незадоволни граѓани се обиделе да го снимаат сопственикот на пицеријата „Цезар“, Миќа Совтиќ, кој, според нивните тврдења, исто така учествувал во пресметката.

— реклама —

На снимки објавени на социјалните мрежи се гледа група мажи како физички напаѓаат жена и еден маж на средината на улицата. За време на метежот, автомобил удрил во еден од мажите.

— реклама —

Нападнатата жена изјавила дека таа и нејзиниот сопруг биле изложени на физичко насилство, а минувачи им притрчале на помош.

— реклама —

„Еден од нив ме удри со тупаница во главата и го собори мојот сопруг. Другите продолжија да нè тепаат на улицата. Не знам кој сè ме удираше. Граѓаните ни притрчаа на помош и тогаш престана“, раскажала жената, додавајќи дека во моментот ја чекала Итната медицинска помош.

View this post on Instagram

Пицеријата „Цезар“ и претходно го привлече вниманието на јавноста за време на изборниот процес. Тогаш опозициски активисти изнесоа сомневања дека во локалот се водат паралелни избирачки списоци, но таквите тврдења никогаш не биле официјално потврдени.

По денешната пресметка, на местото пристигнала сообраќајната полиција, а биле упатени и припадници на интервентните единици. Засега нема официјални информации за околностите на инцидентот, тежината на повредите или евентуални приведувања.