(Видео) Франција под портокалов метео-аларм: се очекуваат обилни врнежи и поплави

Француската метеоролошка служба издаде портокалов метео-аларм за департманите Сарт и Мајен на северозападот на земјата поради обилни врнежи и зголемен ризик од поплави.

— реклама —

Предупредувањето останува во сила до 18 часот, а според прогнозите се очекуваат локални врнежи од 50 до 60 милиметри, што одговара на количина дожд што вообичаено паѓа во период од три до четири недели.

Причината за нестабилните временски услови е бавното движење на циклонски систем од централна Франција кон северозапад, кој носи интензивни и континуирани врнежи. Иако количествата не се исклучителни за овој период од годината, дополнителен ризик создава сувата почва по изразено сушниот април, што може да доведе до површинско истекување на водата и локални поплави на патиштата.

— реклама —

— реклама —

На југот на Франција веќе се регистрирани врнежи до 120 милиметри, а метеоролозите предупредуваат дека системот сè уште е нестабилен и тешко предвидлив, поради што е можно проширување на предупредувањата и кон други региони, меѓу кои Централна Лоара и Ил-де-Франс.

Во департманите Гар и Еро, кои претходно беа под портокалов аларм, нивото на предупредување е намалено на жолто, но и таму се бележат значителни количества дожд, со локални рекорди за месечни врнежи.