Градоначалникот на Скопје, Орце Ѓорѓиевски, објави дека во Бутел се уредува мега парк на површина од 50.000 квадратни метри, на просторот долж булеварот „Христијан Тодоровски-Карпош“.
Според неговата објава, првиот дел од 8.000 квадратни метри е целосно завршен и опфаќа зелени површини, плоштад, детски катчиња, пешачки патеки и фитнес-зони.
Паралелно се уредуваат преостанатите 42.000 квадратни метри, со хортикултурно уредување и содржини за различни генерации. Паркот ќе има и сопствен систем за наводнување со техничка вода.
Ѓорѓиевски наведува дека просторот, кој со години бил користен за одлагање отпад, со уредувањето треба да стане нова зелена површина и да спречи повторно создавање депонија.
Во проектот, како што посочува, соработува и градоначалникот на Бутел, Дарко Костовски.
