(Видео) Ѓорѓиевски: По 30 години чекање – за само пет месеци работа, булеварот „Борис Трајковски“ е пред завршување

Градоначалникот на Скопје, Орце Ѓорѓиевски, денеска изврши увид во градежните работи на булеварот „Борис Трајковски“, најавувајќи дека до крајот на годината ќе биде целосно завршен и пуштен во употреба. Со тоа, по 30 години чекање, скопјани ќе добијат модерен и безбеден булевар, истакна тој.

— реклама —

— реклама —

— реклама —

Ѓорѓиевски порача дека работите се одвиваат побрзо од предвидениот рок и дека со проектот ќе се стави крај на долгогодишните сообраќајни проблеми на една од најважните сообраќајници во градот.

„За рекордно време, пред предвидениот рок, ставаме крај на децениската сообраќајна голгота на една од најважните скопски артерии. Дадов збор дека нема да дозволам мојот народ повеќе да живее со лажни ветувања. Денес, делата говорат. Повеќе од 100.000 граѓани ќе добијат нов, модерен и безбеден булевар за полесно секојдневие, помалку метеж и повеќе време со своите семејства. Даден збор. Исполнето ветување“, изјави Ѓорѓиевски.