(Видео) Главниот уредник на РТВ Војводина поднесе оставка, вработените играа оро

По оставката на Ненад Чачиќ, вршител на должноста уредник на Првиот телевизиски канал на Радио-телевизија Војводина, на социјалните мрежи се појави видео на кое вработените во јавниот сервис играат оро.

— реклама —

Чачиќ ја напушта функцијата во период кога телевизијата се соочува со критики за начинот на известување. Претходно, во дневникот емитуван во 17 часот, водителот Горан Ерор им се извини на гледачите за долгогодишните пропусти во работата на јавниот сервис, признавајќи дека одредени настани биле премолчувани и дека известувањето честопати било еднострано и некритичко.

— реклама —

View this post on Instagram

— реклама —

Оставката на Чачиќ била побарана од дел од вработените и генералниот директор Горан Караџиќ. На негово место е именуван Блажо Поповиќ, додека функцијата програмски директор ќе ја извршува Предраг Новковиќ. Промените следуваат по барањата на синдикатот „Независност“ за подобрување на работата и уредувачката политика на РТВ.

— реклама —

Во меѓувреме, снимката на која вработените играат оро се споделува на интернет, во време кога случувањата во покраинскиот јавен сервис привлекуваат внимание во јавноста.