Српска водителка го бакна холандското знаме и покажа три прста мислејќи дека бакнува српско знаме.
Снимката предизвика бројни реакции на социјалните мрежи. Првично дел од медиумите објавија дека станува збор за српската амбасадорка во Шпанија, Ирена Шарац, но подоцна беше откриено дека жената на снимката е српската водителка Јелена Димитријевиќ.
Димитријевиќ учествувала како претставник на Србија на голем меѓународен настан во Белградската арена, на кој присуствувале повеќе од 12.000 гости од 90 земји.
Таа подоцна јавно објаснила како дошло до необичната ситуација. Според нејзиното објаснување, околу десет минути го барала српското знаме, а во еден момент, во возбудата, забележала знаме кое оддалеку ѝ заличило на српското.
„Добро, луѓе, признавам – другиот ден ја ‘бакнав’ Холандија. По 10 минути барање на нашето знаме, во возбудата видов знаме кое од далечина личеше на српското и не го проверив многу“, рекла Димитријевиќ.
Таа сепак успеала да го пронајде српското знаме, со кое подоцна се појавила на сцената.
„Имаше грешка во првиот бакнеж, но вистинската љубов сепак беше српска“, порача водителката, додавајќи дека нејзините грешки секогаш биле „мали и од љубов“.
