(Видео) Голем пожар се доближи до нуклеарна централа во Велика Британија

Во англиската грофовија Сафолк е прогласена состојба на голема несреќа откако голем пожар на отворен простор се доближи на помалку од пет километри од нуклеарната централа Sizewell B.

— реклама —

Пожарот избувнал во средата попладне во областа Данвич Хит и брзо почнал да се шири кон југозапад. Во неговото гаснење учествуваат околу 90 пожарникари.

Од противпожарната служба соопштија дека засега нема директна опасност за нуклеарната централа, бидејќи таа располага со сопствена инфраструктура за заштита од пожари. Сепак, предупредуваат дека ситуацијата е променлива и непредвидлива.

— реклама —

— реклама —

Поради пожарот, во текот на ноќта биле евакуирани стотици луѓе од туристичкиот комплекс Cliff House Holiday Park, каде што биле испразнети околу 200 камп-приколки.

Надлежните проценуваат дека гаснењето ќе трае најмалку уште два дена, а високите температури и силниот ветер дополнително го отежнуваат справувањето со огнената стихија.

Експертите и претходно предупредуваа дека Велика Британија би можела да се соочи со разорни пожари поради четвртиот топлотен бран што ја зафати земјата по периодот на рекордно високи температури.