(Видео) Голем пожар во петрохемиска фабрика во Индија: Најмалку 20 повредени

Најмалку 20 лица се повредени, од кои петмина се во критична состојба, во голем пожар што избувна денес во петрохемиска постројка во индиската држава Западен Бенгал.

— реклама —

Според информациите на полицијата, пожарот избувнал на нафтовод во постројката со која управува компанијата „Халдија Петрокемикалс“, по што огнот брзо се проширил и кон околните куќи во округот Пурба Мединипур.

— реклама —

— реклама —

Надлежните служби успеале да го стават пожарот под контрола, додека причините за неговото избувнување засега не се познати.

Локалните власти спроведуваат истрага за утврдување на околностите што довеле до инцидентот.