(Видео) Голем шумски пожар во Турција: Евакуирани домови и болница, затворен патот меѓу Анталија и Фетије

Голем шумски пожар избувна во туристичкиот регион Мугла во југозападна Турција, поради што беа евакуирани жители, испразнети делови од локална болница и затворена важна сообраќајница.

Пожарот избувнал на земјоделско земјиште во населбата Бајир, во округот Сејдикемер, а силниот ветер брзо го проширил кон блиската шума.

— реклама —

Во гаснењето учествуваат речиси 400 пожарникари и спасувачи, со поддршка од пет авиони и 12 хеликоптери, соопшти кабинетот на гувернерот на Мугла.

— реклама —

Како превентивна мерка, евакуирани се 65 лица од 43 куќи во близина на пожарот. Испразнети се и одделите за интензивна и палијативна нега во државната болница во Сејдикемер, која се наоѓа на околу 2,5 километри од огнената стихија.

— реклама —

Поради густиот чад и опасноста од ширење на пожарот, затворен е автопатот што ги поврзува Анталија и Фетије. Властите соопштија дека пламените јазици и чадот целосно го зафатиле тој дел од трасата, поради што сообраќајот е небезбеден.

Екипите и натаму се борат да го стават пожарот под контрола, додека силниот ветер дополнително ги отежнува интервенциите.