Црниот чад што утрово се гледаше од повеќе делови на Скопје не е од пожар на Водно, туку од запален двокатен автобус на ЈСП кај Видиковецот.
Директорот на Дирекцијата за заштита и спасување, Стојанче Ангелов, за „Скопје1“ вели дека скопските пожарникари веќе работат на гаснење на автобусот.
„Според податоците кои ги имам во моментов, на Видиковецот на Водно има запален двокатен автобус на ЈСП. Скопските пожарникари работат на негово гаснење, очекувам набргу да биде изгаснат“, изјави Ангелов за „Скопје1“.
Тој додава дека во моментов нема опасност огнот да се прошири кон блиската вегетација.
„Засега не постои опасност од ширење на огнот кон блиската вегетација“, вели Ангелов.
