(Видео) Гори фабриката „Комодита“ во Косово

Голем пожар попладнево избувна во објектот на фабриката „Комодита“ во Ѓаковица, Косово. Густиот чад и силните пламените јазици беа видливи од повеќе делови на градот, а на терен веднаш беа испратени сите служби за итни случаи.

— реклама —

Портпаролот на Косовската полиција за регионот на Ѓаковица, Шеремет Елезај, за медиумот „Сињали“ изјави дека пријавата за пожарот била примена околу 16:40 часот. Пожарот избувнал во објект на улицата „Ѓерѓ Соколи“.

— реклама —

— реклама —

„Полициските екипи и пожарникарите веднаш реагираа и работат на локализирање и гаснење на огнот. Пожарот е од големи размери, но екипите продолжуваат со напори за да ја стават ситуацијата под контрола“, изјави Елезај.

— реклама —

Според првичните информации, засега нема пријави за повредени лица. Сепак, од полицијата велат дека целосната состојба и можните последици ќе бидат познати дури по целосното гаснење на пожарот.