(Видео) Граѓани влегоа во редакцијата на „Информер“, Вучиќевиќ повика полиција: „Ќе убијат некого, во зградата има деца!“

Група граѓани вечерва се собра пред редакцијата на српскиот таблоид „Информер“, по што главниот уредник Драган Ј. Вучиќевиќ се вклучи во програма во живо и побара итна реакција од полицијата.

— реклама —

Вучиќевиќ тврдеше дека станува збор за заложничка криза и предупреди дека демонстрантите би можеле да влезат во зградата и да ги нападнат вработените. Тој изјави дека во редакцијата има и деца и повика полицијата да интервенира и да ги заштити присутните. Притоа, тврдеше и дека дел од собраните граѓани се пијани.

— реклама —

View this post on Instagram

Тој упати јавен повик и до Илија Срдановиќ, првиот човек на студентската листа, да реагира и да ги запре демонстрантите. За време на директниот пренос се обиде да ја повика полицијата, но рече дека никој не му одговара на телефон. Набргу потоа, на една од колешките ѝ рече да повика итна медицинска помош, тврдејќи дека новинарката Нина има епилептичен напад.

— реклама —

Според објавениот текст, кратко потоа собраните граѓани влегле во редакцијата.

„Информер“ со години е предмет на критики во српската јавност поради неговото известување и отворената поддршка за Александар Вучиќ. Во текстот медиумот е опишан како еден од најгласните поддржувачи на поранешната власт во Србија.