(Видео) Хаос во албанскиот парламент: Пратениците се степаа среде седница

Физичка пресметка меѓу пратеници од мнозинството и опозицијата го наруши текот на денешната седница на албанскиот парламент, претворајќи ја собраниската сала во сцена на хаос.

— реклама —

Според албанските медиуми, инцидентот започнал за време на гласањето по една од точките на дневниот ред, кога пратеникот на Демократската партија, Фламур Нока, се упатил кон местата на кои седи мнозинството за да ги земе своите картички за гласање. Во тоа му се придружиле и други пратеници.

— реклама —

Тензиите дополнително се зголемиле кога пратеникот Фидел Крека, исто така од Демократската партија, го удрил ливчето за гласање, а потоа го турнал поранешниот министер за внатрешни работи, Ервин Хоџа. По ова дошло до физичка пресметка меѓу двајцата.

Во конфликтот се вмешале и други пратеници од мнозинството и опозицијата, по што настанала масовна тепачка во собраниската сала.

— реклама —

Во меѓувреме, пред парламентот се собрале голем број демонстранти, а на местото биле распоредени и засилени полициски сили.

View this post on Instagram