(Видео) Инцидент во Панчево: Маскирани напаѓачи со шипки и факели претепале група млади пред избирачко место

Пред Земјоделското училиште во Панчево, каде што се наоѓа избирачко место, дошло до тепачка во која биле користени факели и шипки, објави „Nova.rs“.

— реклама —

На снимките што се шират на социјалните мрежи се гледа група млади мажи, од кои некои носат качулки, капи и маски преку лицата, како напаѓаат друга група млади.

На снимка објавена од локалниот медиум „PANpress“ се гледа дека еден од нападнатите мажи е повреден и има крв на лицето.

— реклама —

Снимката ја објави и Мариника Тепиќ, која наведе дека младите излегле од гласање, по што биле нападнати од група луѓе со шипки и факели.

— реклама —

Од друга страна, порталот „Mašina.rs“ објави дека група маскирани мажи ги нападнала контролорите на Студентската листа во Панчево со пиротехнички средства.

Според овие наводи, неколку лица добиле удари во пределот на главата, а полицијата излегла на местото на настанот.

View this post on Instagram