(Видео) „Информер“ под опсада: Уредникот повика полиција и предупреди на заложничка криза

Група од неколку десетици луѓе се собра вечерва пред телевизијата „Информер“ во Белград, а главниот уредник на телевизијата и порталот, Драган Ј. Вучиќевиќ, тврди дека дел од собраните се обидувале да влезат во просториите и удирале по прозорците и вратите.

Снимка од собирот на социјалните мрежи објавија локални собири од Батајница, Вождовац и Браќа Јерковиќ, како и движењето „Крени-промени“ од Вождовац. Во описот на видеото напишале: „Ајде заедно да одржиме колегиум“, додека на снимката се слуша довикување од собраните.

— реклама —

Меѓу присутните била и Дијана Хрка, мајка на загинатиот Стефан Хрка.

— реклама —

Вучиќевиќ во емисијата „Колегиум“ изјавил дека собраните удирале по прозорците и вратите, тврдејќи дека откорнале едно крило од влезната врата и се упатиле кон друг влез. Тој ја повикал полицијата да интервенира, а во живо се обратил и до Илија Срдановиќ, носител на Студентската листа, барајќи од него да реагира.

— реклама —