(Видео) Иранската телевизија потврди: Убиен е ајатолахот Хамнеи

Иранскиот врховен водач, ајатолахот Али Хамнеи, е убиен во својот комплекс во главниот град Техеран, објавија иранските државни медиуми. Државната новинска агенција Фарс соопшти дека Хамнеи бил убиен во саботата рано наутро „во својот кабинет во резиденцијата на водачот“, додека „ги извршувал своите должности“.

— реклама —

Сателитските снимки на компанијата Ербас, направени по нападот, прикажуваат густ црн чад како се издига од водачевиот комплекс во Техеран. Се чини дека снимките покажуваат оти неколку згради во комплексот се тешко оштетени од ударите.

— реклама —

Комплексот во кој е убиен врховниот водач се наоѓа во центарот на Техеран, во близина на универзитетот. Станува збор за центар за донесување одлуки и клучно седиште на теократското раководство на Исламската Република.

— реклама —

Водителот кој ја соопшти веста на државната телевизија, заплака за време на читањето на објавата.

Поради неговата смрт, во Иран е прогласена 40 дневна жалост.