(Видео) „Катаклизма“ во „Централ парк“: Невремето остави пустош во омиленото скопско кафуле

По силното невреме што вчера го зафати Скопје, на социјалните мрежи продолжуваат да се споделуваат фотографии и видеа од последиците, а меѓу погодените е и кафулето „Централ парк“ во Градскиот парк.

— реклама —

Од кафулето објавија фотографии и видео со опис „Катаклизмата што го погоди Скопје – Централ парк“, на кои се гледаат големите штети предизвикани од силниот ветер и невремето.

На снимките може да се забележат превртени маси и столови, искорнати и паднати дрвја, оштетена подлога, како и уништени реквизити од детското игралиште.

— реклама —

Особено впечатлива е фотографијата на која се гледа огромниот корен на едно од искорнатите дрвја, кој по својата големина е повисок од човекот што стои покрај него.

— реклама —

Објавите предизвикаа бројни реакции на социјалните мрежи, каде што граѓаните споделуваат и фотографии од штетите што невремето ги предизвика на повеќе локации низ главниот град.